Vent Terral, en lenga d’òc, lo mistral, lo vent de la tèrra : resson de las cridas e del mormolh dels òmes, dels bruches dels mestièrs e del bronziment de las activitats, memòria dels espacis traversats.
Vent Terral, una associacion culturala occitana, espelida en 1973 en Segalar. Una iniciativa d’autors que vòlon viure al païs l’aventura de la creacion, a la crosada de genres e de parlars desparièrs. Una volontat d’enrasigament e d’obèrtura e una produccion sens frontièras, d’Alemanha a Afganistan, d’Israël a Magreb, de Gasconha a Auvèrnha, per la recèrca, la creacion e l’escritura, l’elaboracion d’un material pedagogic e las animacions publicas e escolaras. Un ostal d’edicion, qu’amb la participacion de totes, a permés la publicacion d’un centenat de títols : poesia, romans, contes e racontes, novèlas, assages, lingüistica, istòria, filosofia,...
|
